Մեկնարկել է EU4IMPACT ծրագրի երկրորդ փուլը

Հրապարակված է մայ 16, 22

Ուրախ ենք տեղեկացնելու, որ EU4IMPACT-ը (ԵՄ-ն հանուն միգրանտների ներուժի օգտագործման՝ի նպաստ Հայաստանի զարգացման) ծրագիրը կրկին մասնակցության հայտեր է ընդունում ծրագրին մասնակցության համար: Հայտերի ընդունման ժամկետն է մայիսի 10-ից մինչև հունիսի 10-ը: Ծրագրին կարող եք դիմել՝ լրացնելով հետևյալ հղումով տեղադրված հայտադիմումը https://shorturl.at/mvTY9 :

Ծրագրի նպատակն է աջակցել միգրանտների (այդ թվում ՝ աշխատանքային), վերադարձած միգրանտների և նրանց ընտանիքների անդամների կողմից արդեն իսկ հիմնադրված (սկսնակ) կամ ապագայում ստեղծվելիք բիզնեսների զարգացմանը: Ծրագրին մասնակցելու միջոցով դուք կարող եք

- Ձեռք բերել գիտելիքներ և հմտություններ բիզնես հիմնելու, բիզնես պլան մշակելու, ֆինանսական գրագիտության, հարկային դաշտում աշխատելու ուղղությամբ, նաև մարկետինգային արշավներ կազմակերպելու նպատակով։

- Ստանալ մինչև 10 000 Եվրո դրամաշնորհ,որը կօգտագործվի հիմնական միջոցների (գույք, արտադրամաս, տեխնիկական միջոցներ) և հումքի, ինչպես նաև բրենդավորման և/կամ փաթեթավորման ծառայությունների ձեռքբերման նպատակով:

Ծրագրին մասնակցության համար կարող են դիմել

  • այն ՀՀ քաղաքացիները, որոնք վերջին 3 տարվա ընթացքում առնվազն մեկ տարի գտնվել են ՀՀ-ից դուրս,
  • այն ՀՀ քաղաքացիները, որոնք Հայաստան են վերադարձել վերջին 3 տարվա ընթացքում առնվազն 1 տարի ՀՀ-ից դուրս (ցանկացած արտերկրում) գտնվելուց հետո,
  • միգրատների կամ վերադարձած միգրանտների ընտանիքների անդամները (օր.՝ ՀՀ-ում բնակվող ծնողներ, զավակներ, ամուսիններ, քույրեր, եղբայրներ 

Միգրացիոն ծառայության պետը Ազգային ժողովում ներկայացրեց ռեադմիսիային առնչվող երկու նախագծեր

Հրապարակված է մայ 03, 22

☑️Միգրացիոն ծառայության պետ Արմեն Ղազարյանն այսօր Ազգային ժողովում ներկայացրեց Հայաստանի Հանրապետության եւ Լիտվայի Հանրապետության միջեւ ««Հայաստանի Հանրապետության եւ Եվրոպական Միության միջեւ առանց թույլտվության բնակվող անձանց հետընդունման (ռեադմիսիայի) մասին» համաձայնագրի կիրարկման մասին» արձանագրությունը և ««Հայաստանի Հանրապետության Կառավարության եւ Բելառուսի Հանրապետության Կառավարության միջեւ հետընդունման (ռեադմիսիայի) մասին» համաձայնագիրը վավերացնելու մասին» օրենքի նախագծերը, որոնց Կառավարությունը հավանություն է տվել, և Սահմանադրական դատարանը ճանաչել է Սահմանադրությանը համապատասխան:

☑️Հարակից զեկուցող Արտաքին հարաբերությունների մշտական հանձնաժողովի անդամ, պատգամավոր Սարգիս Խանդանյանը նշեց, որ հնանձնաժողովում դրական եզրակացություն է տվել երկու փաստաթղթերի վավերացման վերաբերյալ և խնդրեց կողմ քվեարկել դրանց օգտին:

Գործատուների հետ քննարկվեց workpermit.am կայքի աշխատանքը

Հրապարակված է ապր 19, 22

ՀՀ ՏԿԵՆ միգրացիոն ծառայության և Միգրացիայի միջազգային կազմակերպության նախաձեռնությամբ այսօր տեղի ունեցավ աշխատանքային գործունեության հիմքով կացության կարգավիճակի տրամադրման միասնական էլեկտրոնային հարթակի ներկայացման միջոցառումը։

ՀՀ ՏԿԵ նախարարի տեղակալ Վաչե Տերտերյանի խոսքով՝ հատկանշական է, որ նորաստեղծ հարթակում մեկտեղվել են տարբեր պետական գերատեսչությունների գործառույթներ, ինչպես նաև հնարավորություն է ստեղծվել ոլորտին առնչվող այլ պետական մարմինների գործակցությունը կազմակերպել էլեկտրոնային եղանակով՝ կրճատելով թղաբանությունը և հեշտացնելով շփումը գործատուների հետ։

Միգրացիոն ծառայության պետ Արմեն Ղազարյանը կարևորեց միջազգային գործընկերների աջակցությունը կատարված բարեփոխումների գործում, մասնավորապես Միգրացիայի միջազգային կազմակերպության և Միգրացիոն քաղաքականության մշակման միջազգային կենտրոնի դերը։ «Միասնական էլեկտրոնային հարթակն արդեն չորրորդ ամիսն է՝ գործարկվել է, սակայն մի շարք գործոններով պայմանավորված՝ այսօր ենք ներկայացնում համակարգի մեկնարկն ու միաժամանակ նրա եռամսյա գործունեության արդյունքները»,-ասաց նա՝ հավելելով, որ գործատուների գոհունակությունը, առաջարկներն ու նկատառումները կարևոր են Հարթակի ուղղությամբ շարունակական աշխատանքներ կատարելու տեսանկյունից և որ նմանօրինակ հանդիպումները հենց այդ նպատակին են ծառայում։

«ՄՄԿ-ի նպատակն է աջակցել աշխատանքային միգրացիայի համակարգի բարելավմանը՝ բարելավելով աշխատանքի թույլտվության տրամադրման մեխանիզմները՝ միջազգային լավագույն փորձին համապատասխան։ Հուսով ենք, որ այս եղանակով մենք նպաստում ենք միգրանտների իրավունքների պաշտպանությանը և կայուն տնտեսական զարգացմանը՝ ի շահ բոլորի»,-նշեց ՄՄԿ-ի հայաստանյան առաքելության ղեկավար Իլոնա Տեր-Մինասյանը։

2022 թ-ի հունվարի 1-ից գործարկված https://workpermit.am/  կայքի միջոցով Միգրացիոն ծառայությունն արդեն ստացել է մոտ 700 հայտ, գրանցվել են մոտ 250 գործատուներ, տրամադրվել է ավելի քան 260 ժամանակավոր կացության կարգավիճակ և ավելի քան 170 բնակության օրինականությունը հավաստող տեղեկանք՝ ԵԱՏՄ քաղաքացիներին։

Հարթակի միջոցով օտարերկրացի աշխատակից ներգրավելու ցանկություն ունեցող  գործատուներն ամբողջությամբ էլեկտրոնային տարբերակով ներկայացնում են թեկնածուին աշխատանքի հիմքով կացության կարգավիճակի տրամադրման հայտ։

  • Գործընթացն սկսում է գործատուի առցանց գրանցումով։
  • Այնուհետև լրացվում է թափուր աշխատատեղի նկարագիրը։
  • Մինչ Աշխատանքի և սոցիալական հարցերի նախարարությունը քննում է աշխատատեղը օտարերկրացիով լրացնելու հայտը, Գործատուն լրացնում է օտարերկրացու տվյալները։
  • Գերատեսչական հաստատումներից հետո օտարերկրացին իր էլ․փոստի հասցեին ստանում է ծանուցում՝ աշխատանքային գործունեության հիմքով ժամանակավոր կացության կարգավիճակի տրամադրման վերաբերյալ։ Գործընթացի ավարտին օտարերկրացին պետք է մոտենա Միգրացիոն ծառայություն՝ ստանալու փաստաթուղթը։

Մինչև 2022 թ-ի հունվարի 1-ը այս գործընթացն իրականացվում էր 2 մասով: Գործատուն մոտենում էր ԱՍՀՆ՝ աշխատանքի թույլտվության դիմում ներկայացնելու համար: Այն ստանալուց հետո օտարերկրացին մոտենում էր Ոստիկանության անձնագրային և վիզաների վարչություն՝ կացության կարգավիճակի դիմում ներկայացնելու համար: Ողջ գործընթացը տևում էր մինչև 3 ամիս: 2022 թ-ի հունվարի 1-ից նշված 2 բաղադրիչները իրականացվում են միաժամանակ, ամբողջությամբ էլեկտրոնային, դյուրացված վարչարարությամբ և կրճատված ժամկետում: Ողջ գործընթացը տևում է մինչև մեկ ամիս:

Միջոցառման երկրորդ հատվածում գործատուները ներկայացրին իրենց նկատառումներն ու առաջարկները, ՄԾ աշխատանքային միգրացիայի և մոնիթորինգի բաժնի պետ Վարդան Մաթևոսյանը պատասխանեց հնչեցված հարցերին։

Ուշադրություն գործատուներին

Հրապարակված է ապր 11, 22

Հարգելի՛ գործատուներ,

Ապրիլի 15-ին լրանում է եռամսյա ժամկետը, որի ընթացքում հնարավորություն էր ստեղծվել մինչև 2022 թ-ի հունվարի մեկը աշխատանքի թույլտվություն ստացած օտարերկրացիների համար ստանալ կացության կարգավիճակ (http://migration.am/news/458

 

Փոփոխություններ՝ աշխատանքի թույլտվության միասնական հարթակում

Հրապարակված է ապր 06, 22

Հարգելի՛ գործատուներ,

օտարերկրացիներին աշխատանքային գործունեության հիմքով կացության կարգավիճակի տրամադրման միասնական էլեկտոնային հարթակում կատարվել են մի շարք տեխնիկական կարգաբերումներ։ ❕ Մասնավորապես, օտարերկրացի աշխատակից ներգրավել ցանկացող գործատուն, որը Հարթակի միջոցով աշխատանքային գործունեության հիմքով կացության կարգավիճակի տրամադրման հայտ է ներկայացնում, այսուհետ հնարավորություն կունենա աշխատանքի նկարագիրը ներկայացնելիս զուգահեռաբար լրացնել նաև օտարերկրացի թեկնածուի անձնական տվյալները։

 ՀՀ աշխատանքի և սոցիալական հարցերի նախարարության կողմից համապատասխան գործառույթի իրականացումից հետ հնարավոր կլինի, ըստ անհրաժեշտության, լրացնել օտարերկրացու մասնագիտական կրթության ու որակավորման վերաբերյալ տվյալները աշխատանքային պայմանագիրը կամ դրա վերաբերյալ պարտավորագիրը և դիմումին կցել պետական տուրքի վճարման կտրոնը։

 Տեխնիկական կարգաբերումները կատարվել են ինչպես հաշվի առնելով գործատուների կարծիքները, այնպես էլ այն հանգամանքը, որը ՀՀ աշխատանքի և սոցիալական հարցերի նախարարության՝ Հարթակում իր լիազորոթյունների իրականացման 15 աշխատանքային օրերի ընթացքում որոշ օտարերկրացի օգտատերերի վիզայի ժամկետը սպառվում է և առաջանում են ՀՀ-ում բնակության օրինականացման հետ կապված խնդիրներ։

Կատարված փոփոխությունների արդյունքում նմանօրինակ դեպքերը հնարավորինս կբացառվեն։

Ա․Ղազարյանը միգրացիայի կառավարման լավագույն փորձը քննարկեց միջազգային փորձագետի հետ

Հրապարակված է մար 21, 22

Միգրացիոն ծառայության պետ Արմեն Ղազարյանն այսօր ընդունեց ՄԱԿ-ի միգրացիայի միջազգային կազմակերպության Հյուսիս-արևելյան ԵՎրոպայի, Արևելյան Եվրոպայի և Կենտրոնական Ասիայի տարածաշրջանային գրասենյակի  տարածաշրջանային իմիգրացիայի և սահմանների կառավարման ավագ փորձագետ Պիեռ Ռոսի-Լոնգիին։

Փորջագետը հետաքրքրվեց Հայաստանում պետական գերատեսչությունների միջև միգրացիոն գործառույթների բաշխմամբ, քաղաքականությունների մշակման փորձառությամբ, ինչպես նաև ծրագրված ինստիտուցիոնալ փոփոխություններով։

Ա․Ղազարյանը ներկայացրեց միգրացիայի կառավարման ոլորտում մշակված ռազմավարական փաստաթղթերը, ինչպես նաև նշեց միգրացիայի՝ ընթացիկ մշակվող հայեցակարգի ուղղությամբ տարվող աշխատանքների մասին, ներկայացրեց ոլորտի բարեփոխումների վերաբերյալ իր տեսլականը։ 

Կառավարությունը հաստատեց Ադրբեջանից բռնագաղթած և մարզերի ժամանակավոր կացարաններում բնակվող ընտանիքների բնակապահովման ծրագիրը

Հրապարակված է մար 10, 22

ՀՀ Կառավարությունն այսօրվա նիստում հաստատեց «Հայաստանի Հանրապետության կառավարության 2019 թվականի նոյեմբերի 21-ի N 1666-Ն որոշման մեջ փոփոխություններ և լրացումներ կատարելու մասին» կառավորության որոշման նախագիծը։

Այսպիսով, Միգրացիոն ծառայությունը 1,4 մլրդ դրամի շրջանակում կիրականացնի 1988-1992 թվականներին Ադրբեջանից բռնի տեղահանված և ժամանակավոր կացարաններում բնակվող ընտանիքների բնակարանային խնդրի լուծմանն ուղղված ծրագրի չորրորդ փուլը։ Նախնական հաշվառմամբ՝ այս փուլում ընդգրկված են հավակնորդ 254 ընտանիքներ Հայաստանի բոլոր մարզերից։ Ներկայում ընթանում է վերահաշվառման գործընթացը։

Հիշեցնենք, որ 2019 թ․ նոյեմբերի 21-ին  ՀՀ կառավարության կողմից ընդունված թիվ 1666-Ն որոշմամբ, ծրագիրն իրականացվել է Երևանում, և 2020-2021 թթ-ին բնակարանի գնման վկայագրեր են ստացել 270 ընտանիքներ, որոնցից 175-ը, 2.4  մլրդ դրամի շրջանակում, արդեն գնել են բնակարաններ։ Երևանում ծրագրի իրականացման արդյունքում փաստացի  տրամադրվել է 3.7 մլրդ դրամ ։

 

Հայաստանում նոր միջազգային միգրացիոն ծրագրեր կիրականացվեն

Հրապարակված է մար 03, 22

Միգրացիոն ծառայության պետ Արմեն Ղազարյանն ընդունեց Միգրացիոն քաղաքականության մշակման միջազգային կենտրոնի (ՄՔՄՄԿ) Արևելյան Եվրոպայի և Կենտրոնական Ասիայի տարածաշրջանային պորտֆոլիոյի ղեկավար Վիոլետա Վագներին և կազմակերպության հայաստանյան թիմի ղեկավար Կարել Հոֆսթրային։

Կողմերը վերագնահատեցին երկկողմ երկարատև կայուն համագործակցությունը, դրա արդյունավետությունն ու շարունակականության կարևորությունը։

ՄԾ պետ Արմեն Ղազարյանն անդրադարձավ Վերադարձի և վերաինտեգրման եվրոպական ցանցի հայաստանյան ծրագրի շրջանակում Միգրացիոն ծառայությունում մատուցվող ծառայություններին, ինչպես նաև ծրագրի աշխատակազմի համագործակցությանը ՄԾ վերադարձի և վերաինտեգրման բաժնի հետ։

Միջազգային գործընկերները ներկայացրին Հայաստանում իրենց կողմից իրականացվող նոր ծրագրի մեկնարկը (EMICS), որով ևս կաջակցեն Միգրացիոն ծառայության կարողությունների զարգացանը։ Վ․ Վագները հայտնեց, որ առաջիկայում Հայաստանում կանցկացվի ամփոփ դասընթաց՝ Միգրացիոն գործընկերության  հնարավորություններից (MPF) օգտվելու վերաբերյալ, որին կարող են մասնակցել և՛ պետական, և՛ հասարակական հատվածի ներկայացուցիչները։

Անդրադարձ եղավ նաև «ԵՄ-ն հանուն միգրանտների ներուժի օգտագործման՝ ի նպաստ Հայաստանի զարգացման. EU4IMPACT ARMENIA» ծրագրի ընթացքին, ինչպես նաև Աբովյան քաղաքում ապաստան հայցողների նոր հատուկ կացարանի կառուցման աշխատանքներին, որի ֆինանսավորումը միջազգային գործընկերներն իրականացնում են ՄՔՄՄԿ-ի միջոցով։

Կայացավ վերադարձող քաղաքացիների վերաինտեգրման հարցերով 12-րդ ֆորումը

Հրապարակված է փետ 25, 22

Միգրացիոն ծառայությունն անցկացրեց Հայաստան վերադարձող ՀՀ քաղաքացիների վերաինտեգրման հիմնա­խնդիրներով զբաղվող կազմակերպությունների ֆորումի հերթական` 12-րդ հանդիպումը։

Միգրացիոն ծառայության պետ Արմեն Ղազարյանը ներկայացրեց ոլորտում տարվող աշխատանքները՝ ընդգծելով Վերադարձի և վերաինտեգրման եվրոպական ցանցի (ERRIN) հետ համագործակցությունն ու առաջիկայում՝ Եվրոպական սահմանային և առափնյա պահպանության գործակալության (FrontEx)  կողմից վերադարձի և վերաինտեգրման մանդատի ստանձնումը։

ՄԾ վերադարձի և վերաինտեգրման բաժնի պետ Հայկանուշ Չոբանյանը ներկայացրեց ֆորումի մասնակիցներին, որոնց թվում էին ևշ պետական գերատեսչությունների, և՛ հասարակական ու միջազգային կազմակերպությունների ներկայացուցիչներ։

Միգրացիոն քաղաքականության մշակման միջազգային կենտրոնի հայաստանյան գրասենյակի ղեկավար Կարել Հոֆստրան ներկայացրեց «ԵՄ-ն հանուն միգրանտների ներուժի օգտագործման՝ ի նպաստ Հայաստանի զարգացման. EU4IMPACT ARMENIA» ծրագրի ընթացքը՝ նշելով, որ ստացել են ավելի քան 120 դիմումներ, ընթանում են բիզնեսի կառավարման դասընթացները դիմորդների հետ, որից հետո ծրագրի հեղինակները կդիտարկեն վերապատրաստված դիմողների բիզնես պլանները, և հանձանաժողովը կորոշի համաֆինանսավորման ենթական առաջարկները։ «Ծրագրի շրջանակում միգրանտները և նրանց ընտանիքի անդամները համաֆինանսավորում են ստանում իրենց բիզնես ծրագրի իրականացման կամ բարելավման նպատակով՝ 2000-10000 դոլարի շրջանակում՝ սեփական միջոցներով նույնչափ կամ ավելի ներդրում կատարելու պայմանով»,-նշեց նա՝ հավելելով, որ դիմումների ընդունման հաջորդ հայտարարությունը կարվի մայիսին։

ՄԾ Վերադարձի և վերաինտեգրման բաժնի մասնագետ Անահիտ Չոբանյանը ներկայացրեց ՀՀ-ում իրականացվող վերաինտեգրման ծրագրերի շրջանակներում վերադարձող միգրանտների վերաբերյալ 2021թ. տարեկան ամփոփված վիճակագրությունը, «ERRIN Հայաստան ծրագիր»,  կարողությունների զարգացման բաղադրիչի պատասխանատու Քրիստինա Գասպարյանը ներկայացրեց ERRIN ծրագրի կարողությունների զարգացման բաղադրիչի շրջանակներում 2021թ-ի  նոյեմբերից 2022թ-ի փետրվար ամիսների ընթացքում կատարված աշխատանքները,  «ERRIN Հայաստան ծրագիր», կլինիկական հոգեբանության դոկտոր Լիլիթ Մնացականյանը անդրադարձավ ՄԾ աշխատակազմի հետ վերապատրաստման և շահառուների հետ տարվող հոգեբանական աշխատանքներին։

Ֆորումը մյուս մասնակիցները ներկայացրին իրենց կողմից տարվող աշխատանքները, քննարկվեցին ժամանակի մարտահրավերներն ու հաղթահարման տարբերակները։

ՌԴ-ն խստացրել է միգրացիոն օրենսդրությունը

Հրապարակված է փետ 23, 22
2021 թվականի դեկտեմբերի 29-ից Ռուսաստանի Դաշնություն մուտք գործող օտարերկրյա քաղաքացիները, այդ թվում ՀՀ քաղաքացիները, պետք է  անցնեն  դակտիլոսկոպիկ /մատնահետքի/ հանձնում և լուսանկարում, ինչպես նաև պարտադիր բժշկական զննություն
  1. 2021 թվականի դեկտեմբերի 29-ից Ռուսաստանի Դաշնություն մուտք գործող օտարերկրա քաղաքացիները, այդ թվում ՀՀ քաղաքացիները պետք է՝

  2. հանձնեն  մատնահետք
  3. անցնեն լուսանկարում
  4.  անցնեն  բժշկական հավաստագրում

 

 

Ինչպես  է  կատարվում  մատնահետք  վերցնելը

Ավանդական եղանակով –տպարանային ներկ օգտագործմամբ

Էլեկտրոնային եղանակով – սկաների  օգնությամբ (առկայության  դեպքում)

 

Ի՞նչ փաստաթղթեր են տրամադրվում ընթացակարգերը անցնելուց հետո և որքան է փաստաթղթի գործողության ժամկետը։

Ընթացակարգի արդյունքների հիման վրա տրամադրվում է մատնահետքի հաշվառման և լուսանկարահանման ընթացակարգերի անցումը հավաստող փաստաթուղթ: Տրվում է թղթային լամինացված քարտ կամ էլեկտրոնային պահոցով պլաստիկ քարտ, որը կարող է օգտագործվել 10 տարի ժամկետով:

Կարևոր  է  իմանալ

Մատնահետքի հաշվառման և լուսանկարահանման ընթացակարգերը  հավաստող փաստաթղթի տրամադրումն իրականացվում է միայն Ռուսաստանի ներքին գործերի նախարարության տվյալների բազայում տեղեկությունները վերբեռնելու փաստի հաստատումից հետո, որը կարող է տևել մեկ օր կամ ավելի:  Դա  նշանակում  է   որ  կարող  է պահանջվել  երկրորդ  այցելություն  փաստաթոըղթը  վերցնելու համար, ինչն  էլ իր  հերթին նշանակում  է   որ  պետք  չէ  այս  գործընթացը անցնել վերջին օրը 

 

Ի՞նչ անել, եթե տրված փաստաթղթերը կորել կամ վնասվել են։

Պարտադիր մատնահետքի գրանցման և լուսանկարահանման անցումը հաստատող փաստաթղթի կորստի կամ վնասման դեպքում պետք է դիմել Ռուսաստանի ՆԳՆ տարածքային մարմնի ցանկացած միգրացիոն ստորաբաժանում, որտեղ կտրվի նոր փաստաթուղթ:

 

 

Ի՞նչ պատասխանատվություն է նախատեսվում  օրենքի պահանջները չկատարելու համար։

 

Պարտադիր դակտիլոսկոպիկ հաշվառում և լուսանկարում և բուժզննում չանցած ՀՀ քաղաքացիների վերաբերյալ կկայացվի ՌԴ ում գտնվելու ժամկետի կրճատման վերաբերյալ որոշում։

ՌԴում գտնվելու ժամկետի կրճատման վերաբերյալ որոշման, ինչպես նաև միգրացիոն հարցերով զբաղվող տարածքային մարմին ներկայանալու մասին քաղաքացուն տեղյակ են պահում մեկ օրվա ընթացքում կամ հեռախոսազանգի կամ էլ. փոստի կամ սովորական փոստի միջոցով։

Միաժամանակ քաղաքացուն տեղյակ են պահում, որ նա պետք է լքի ՌԴ տարածքը ՌԴում գտնվելու ժամկետի կրճատման վերաբերյալ որոշման կայացման օրվանից 3 օրվա ընթացքում։

 

ՌԴ տարածքից չհեռանալու, ՌԴ տարածքը չլքլեու դեպքում քաղաքացին կենթարկվի վարչական պատասխանատվության՝ վարչական տուգանքի և  ՌԴ տարածքից արտաքսման տեսքով, ինչը ենթադրում է ՌԴ մուտք գործելու 5 տարվա արգելք։

 

 

ՌԴ որոշ շրջաններում բժշկական զննում անցնելու համար անհրաժեշտ կլինի դիմել միանգամից մի քանի բժշկական հաստատություններ՝ մեկը թմրամոլության բացակայության, մյուսը՝ ինֆեկցիոն հիվանդությունների, երրորդը՝ ՄԻԱՎ վարակի բացակայությունը հաստատելու համար:

 

Բժշկական հետազոտությունների արժեքը սահմանում է  այն անցկացնող  բժշկական հաստատությունը։ Օրինակ  Մոսկվայում  այն կազմում  է 4100 ռուբլի, իսկ շրջաններում  կարող  է հասնել մինչև  9000 ռուբլու։

 

Ի՞նչ փաստաթղթեր են պահանջվում բժշկական զննություն անցնելու համար։

Բժշկական զննություն անցնելու համար անհրաժեշտ է ներկայացնել հետևյալ փաստաթղթերը՝

1) անձը հաստատող փաստաթուղթ;

2) միգրացիոն քարտը և դրա պատճենը:

 

Կարևոր  է  իմանալ

Թեև պաշտոնապես  այլ  փաստաթղթի պահանջ  սահմանված  չէ,  սակայն  կարող  է  անհրաժեշտ լինել  ներկայացնելու  հաշվառման (регистрация)  վերաբերյալ  ձևաթուղթը:

 

 

Ինչ ժամկետներում  է  իրականացվում   բժշկական  զննությունը

Բժշկական զննությունը իրականացվում է բժշկական հաստատություն դիմելու օրվանից 5 աշխատանքային օրը չգերազանցող ժամանակահատվածում: Բացառիկ դեպքերում (թմրանյութեր և հոգեմետ նյութեր օգտագործելու կասկածի  դեպքում) ընթացակարգը կարող  է  տևել  մինչև 18 աշխատանքային օր:

 

Ինչ  փաստաթղթեր  են տրամադրվում   բժշկական հավաստագրման արդյունքում

Բժշկական զննության հիման վրա քաղաքացուն ստորագրությամբ տրվում է բժշկական եզրակացություն և

 ՄԻԱՎ վարակի բացակայության վերաբերյալ տեղեկանք։ Տեղեկանքը չի տրվում, եթե քաղաքացու մոտ ախտորոշվում է ՄԻԱՎ վարակ:

 

Բժշկական եզրակացությունը տրամադրվում է 2 օրինակից, մեկը տրամադրվում է քաղաքացուն, երկրորդը պահվում է բժշկական կազմակերպությունում 5 տարի: Բժշկական եզրակացության կորստի դեպքում անհրաժեշտ է դիմել  ըստ բնակության հասցեի բժշկական հաստատություն, այն կրկին ստանալու համար:

Բժշկական եզրակացությունը և ՄԻԱՎ վարակի բացակայության մասին տեղեկանքը պետք է ներկայացնել մատնահետքերի հաշվառումն ու լուսանկարումն իրականացնող պաշտոնատար անձի։

          Կարևոր  է  իմանալ

Քանի  որ բժշկական  թղթերը  ներկայացվում  են  ՆԳՆ  մարմիններին,  անհրաժեշտ  է ունենալ  դրանց  պատճենները,  այդ  փաստաթղթերի  գործողության ժամկետներին  հետևելու նպատակով

 

Բժշկական եզրակացությունը և ՄԻԱՎ վարակի բացակայության մասին տեղեկանքը (բժշկական փաստաթղթերը) վավեր են դրանց տրամադրման օրվանից 3 ամսվա ընթացքում  նոր  փոփոխությամբ  1 տարվա   ընթացքում

 

Որքա՞ն հաճախ պետք է անցնել այդ ընթացակարգերը։

Դակտիլոսկոպիկ /մատնահետքի/ հանձնումը և լուսանկարումը իրականացվում է մեկ անգամ՝ առանց պետական ​​տուրքերի գանձման՝ անկախ ՌԴ մուտքի/ելքի քանակից։

Դակտիլոսկոպիկ /մատնահետքի/ հաշվառման և լուսանկարման ընթակարգերը անցնելուց հետո, Ռուսաստանի տարածքով տեղաշարժվելու դեպքում, դակտիլոսկոպիկ /մատնահետքի/ հաշվառման և լուսանկարման ընթացակարգերը  կրկին անցնել չի պահանջվում:

 

 Կարևոր է իմանալ՝

ՀՀ այն քաղաքացիները, ովքեր փոխել են իրենց անձնական տվյալները (ազգանուն, ազգանուն, հայրանուն, ծննդյան ամսաթիվ, ծննդյան վայր, սեռ, քաղաքացիություն) պետք է կրկին անցնեն և դակտիլոսկոպիկ /մատնահետքի/ հաշվառումն և լուսանկարումը։ Նշվածը տարածվում է նաև այն անձանց վրա, ովքեր դակտիլոսկոպիկ /մատնահետքի/ հաշվառումն և լուսանկարումը անցնելուց հետո ամուսնացել  և փոխել են ազգանունը, նրանք Ռուսաստան հաջորդ մուտքի ժամանակ պետք է կրկին անցնեն վերոնշյալ ընթացակարգերը:

 

Որտե՞ղ կարող են օտարերկրացիները անցնել պետական դակտիլոսկոպիկ /մատնահետքի/ հաշվառում և լուսանկարում։

 

Դակտիլոսկոպիկ /մատնահետքի/ հաշվառման և լուսանկարման ընթացակարգերը օտարերկրացիները անցնում են ըստ բնակության հասցեի/գտնվելու վայրի Ռուսաստանի ՆԳՆ տարածքային մարմիններում  կամ նրա ենթակա տարածքային ստորաբաժանումներում։

 

Մոսկվայի դեպքում դակտիլոսկոպիկ /մատնահետքի/ հաշվառման և լուսանկարման ընթակարգերը օտարեկրացիները կարող են անցնել Սախարովի անվան բազմաֆունկցիոնալ միգրացիոն կենտրոնում (ք. Մոսկվա, Վարշավսկոյե խճուղի 1, շ. 47):

 

Ի՞նչ փաստաթղթեր են պահանջվում դակտիլոսկոպիկ /մատնահետքի/ հաշվառման և լուսանկարման ընթացակարգերը անցնելու համար։

 

Դակտիլոսկոպիկ /մատնահետքի/ հաշվառման և լուսանկարման ընթակարգերը  անցնելու համար օտաերկրացիները պետք է ներկայացնեն հետևյալ փաստաթղթերը'

Անձը հաստատող փաստաթուղթ և դրա ռոսերեն թարգմանությունը նոտարական վավերացմամբ. ՄԻԱՎ վարակի բացակայության վերաբերյալ տեղեկանք բժշկական զննություն ընթացակարգերը անցնելու վերաբերյալ հավաստող փաստաթղթեր։ Սա նշանակում է, որ մինչև դակտիլոսկոպիկ /մատնահետք/ հաշվառման և լուսանկարման ընթացակարգերը անցելու համար դիմելը նախ անհրաժեշտ է անցնել բժշկական զննությունը: օրինական ներկայացուցչի ինքնությունը հավաստող և նրա լիազորությունները հավաստող փաստաթղթեր' 6-18 տարեկան երեխաների, անգործունակ անձանց  և սահմանափակ գործունակություն ունեցող  անձանց դակտիլոսկոպիկ /մատնահետքի/ հաշվառման և լուսանկարման դեպքում։ Ծնողների դեպքում նման  փաստաթղթերն  են՝  իրենց  անձնագրերը և  երեխայի ծննդյան վկայականը՝ նոտարական վավերացմամբ  փաստաթղթի ռուսերեն  թարգմանությունը գտնվելու վայրում գրանցումը հաստատող փաստաթղթերը (регистрация): Սա  նշանակում  է  որ  մինչև  մատնահետքի հանձնումը  և  լուսանակարումը  անհրաժեշտ  է կանգնել հաշվառման

Իրենց  վրա  այս  գործընթացներով  անցնելու պարտավորությունը  չի  տարածվում

 

6.Մինչև  օրենքի  ուժի  մեջ  մտնելը  այս  ընթացակարգերով  անցած  քաղաքացիներ

Այդ օտարերկրյա քաղաքացիները իրավունք ունեն  դիմել ՆԳՆ տարածքային  ստորաբաժանում ըստ փաստացի բնակության հասցեի և ստանալ  պարտադիր դակտիլոսկոպիկ հաշվառումն ու լուսանկարումը հաստատող փասատաթուղթ։

 

 

Ինչ  է  իր  մեջ  ներառում  բժշկական հավաստագրումը

-քիմիկա –թունաբանական  հետազոտությունների  անցկացում  օրգանիզմում  թմրանյութերի, կամ  հոգեմետ  նյութերի  կամ հոգեակտիվ  նյութերի առկայությունը բացահայտելու նպատակով։  Այս  նյութերի  ցանկը   հաստատված  է ՌԴ  կառավարության   1998թ. որոշմամբ  և  ներառում  է  մի  քանի հարյուր  միջոցներ։ Այս  հետազոտություններն  անցնում  են 13  տարեկան  և  դրանց  բարձր տարիքի  անձինք

- հետազոտությունների  անցկացում շրջապատի համար  վտանգ ներկայացնող ինֆեկցիոն հիվանդությունների բացահայտման նպատակով։  Այս  հիվանդությունների ցանկը հաստատված  է ՌԴ  առողջապահության  նախարարության 2015թ. հրամանով  և  ներառում  է  հետևյալ հիվանդությունները.

1) թոքախտ.

2) բորոտություն (Հանսենի հիվանդություն);

3) սիֆիլիս

4) ՄԻԱՎ

5) COVID-19 -  նոր  հրամանով՝ 2022թ. փետրվարի  21-ի  հանվել  է  ցանկից

 

Որտե՞ղ են օտարերկրացիները անցնում բուժզննում։

 

Բժշկական հետազոտությունն իրականացվում է  Ռուսաստանի Դաշնության յուրաքանչյուր սուբյեկտի կողմից  հաստատված բժշկական կազմակերպությունների կողմից:

 

Աշխատանքային  միգրանտներ- պայմանագրի  հիման վրա  աշխատող

Նրանց  ընտանիքների  անդամներ

Ուսանողներ

Իրենք  պարտավոր  կլինեն  անցնել  այս  ընթացակարգերով  միայն  այն դեպքում,  երբ  մեկնեն  ՌԴ-ից  և  նորից  մուտք  գործեն  ՌԴ

Խորհուրդ  է  տրվում  նախօրոք անցնել այս ընթացակարգը՝ չսպասելով Ռուսաստանի Դաշնությունից մեկնելուն հետագայում խնդիրներից խուսափելու համար։

 

 

ՌԴ-ում բնակության  ժամանակավոր թույլտվություն (РВП)  և  բնակության  թույլտվություն  (Вид  на  жительство)  ունեցող  քաղաքացիներ

աշխատանքային միգրանտի  ընտանիքի  անդամներ

ուսանողներ

կամ  այլ նպատակով  90  օրից  ավել մնացողներ

անհրաժեշտ  է  անցնել ընթացակարգերը 90  օրացույցային օրվա  ընթացքում՝ ՌԴ  մուտքի  օրվանից  հաշված

 

Մինչև  2021թ. դեկտեմբերի  29-ը  ՌԴ  մուտք  գործած   ՀՀ  քաղաքացիները  ովքեր  դեկտեմբերի 28-ից  հետո  դուրս  չեն  եկել  ՌԴ-ից

Ովքեր  միգրացիոն քարտում նշել  են  աշխատանք  նպատակը

Պետք  է  անցնեն  ընթացակարգերը   ՌԴ  մուտք գործելու օրվանից  հաշված  30 օրացույցային օրվա  ընթացքում

 

Երկարաժամկետ՝  90  օրից  ավել  ժամկետով, բայց ոչ  աշխատելու նպատակով  ՌԴ  մուտք  գործողներ

Մասնավոր  այց

Գործնական այց

Բուժում և  այլն

Ընթացակարգերը  անցնել  չի  պահանջվում

 

Աշխատելու նպատակով  ՌԴ  մեկնողներ 

 

Կարճաժամկետ՝  մինչև 90  օր  ժամկետով  ՌԴ  մեկնողներ

 

Քաղաքացիների  խմբերը

Կարճաժամկետ՝  մինչև 90  օր  ժամկետով  ՌԴ  մեկնողներ Աշխատելու նպատակով  ՌԴ  մեկնողներ  Երկարաժամկետ՝  90  օրից  ավել  ժամկետով, բայց ոչ  աշխատելու նպատակով  ՌԴ  մուտք  գործողներ Մինչև  2021թ. դեկտեմբերի  29-ը  ՌԴ  մուտք  գործած   ՀՀ  քաղաքացիները  ովքեր  դեկտեմբերի 28-ից  հետո  դուրս  չեն  եկել  ՌԴ-ից ՌԴ-ում բնակության  ժամանակավոր թույլտվություն (РВП)  և  բնակության  թույլտվություն  (Вид  на  жительство)  ունեցող  քաղաքացիներ Մինչև  օրենքի  ուժի  մեջ  մտնելը  այս  ընթացակարգերով  անցած  քաղաքացիներ

 

Ովքե՞ր են ազատվում պարտադիր ընթացակարգերը անցնելուց։

Բելառուսի Հանրապետության քաղաքացիները, Մինչև 6 տարեկան երեխաները Միգազգային կազմակերպություններում աշխատող պաշտոնատար անձիք ՌԴում  օտարերկրյա դիվանագիտական ներկայացուցչությունների և հյուպատոսությունների ղեկավարները և  վարչական և տեղեկատվական անձնակազմը